على هـــامــش الـ[ع]ــتب ... [ جيــب ليــلك ]

[PrInCeSs Of DrEaMs]

شكد بجيت
بكد جرح دلالي من شافك مشيت
وسطرتهن عالشوارع
دمعه .. دمعه
ألليل مآ اهابة بظلامة
شما يصير اسود تطيّح تاجة شمعه
شگد بچيت .. وخلصت طور البواچـي
وبيمن ابچي .. العين هالشيب رمشهه
وظلت تسولف دمـع
وباقية تدوّر على صورة خيالك
تريد تنطيك البقه من دموعهه توزعه اعله خدك
وين اشوفك ..
وانته بين حروف شعري تلاعب خدود القوافي
بكل قصيدة يصير مطلعهه حزن
وبين كلمة وكلمة اقرالك تعـــال ..
وآنه خدي اغتاض من العين چي تنضح جمر
يل مشيت .. الخطوة سيف ودرب الموادع رگبتي
وروحي سكة متيهه خطوات القطار
بكل طريق تشوف شمعــة .. تخلي دمعه
وتعرف اليحرگ سنينة ايموت بس يطلع نهـار
وآنه موتت الدقايق .. حته لا يسبگني وكتي
وأبقه وردة مزاعله عيون الفجر
ولا أذل چفوف شفتي وتطلب بوكت العطش من النهر
أنته تدري ,, المات بيه بغيبتك بس العذاب
وأحترم دگـــات گلّبي الما تدگلك
چنت اگلك جيب ليلك
جيب ليلك چان عندي سوالف تريدلهه ليل
وأنته صوتك نيّــم الگمرة اعله چفه
وچنت اگلك .. جيب ليلك
شفة العطشـــان تضحك للمطر
وآنه عندي الدنيه زاعلهه الربيـــع
وخضرّ أبستـــاني خــــوف
وأنتظرتك
هسه تمطر ..
هسه تمطر ..
بــــــــس وجه غيمك طلع ماعنده مآي
شگد مشيت
وملت الخطوات من گد ما مشيت
ويا ضحكتي
يا ضحكتي الما اندلت باب شفتي
هذا وكتي .. الخله شيبي يبّين من احروف قصتي
ويا محنتي
يـا محنتي ..
البيهه اشوف الدنيه أزغر من فرحتي
وانته شوف .. بعينك الما دمّعـــت وكت الصلاة
جروفي نشفت .. لا تمد اديك عليهه
عندي دمعه ..
تغني ظلـــــــــــت